Dineshkumar Ponnusamy

ப்ரியா ஆனந்த் அழகிலும் சிரிப்பிலும் வசீகரிக்கிறார். லேடி கோச்-ஆக நந்திதா கொஞ்சம் சிடு மூஞ்சியாகவே இருக்கிறார். தெத்துப்பல் சிரிப்பு இதுல மிஸ்ஸிங்.

வழக்கமா காதலிக்கிற நண்பன் கிட்ட மாட்டிக்கிட்டு அவஸ்தை படுகிற நண்பன் சந்தானம் கேரக்டருக்கு ரீப்லேஸா சதீஷ் செம கலகல.

ஜெயப்பிரகாஷ் வழக்கம் போல நல்லாவே நடிச்சு இருக்கார். ரொம்ப ஆச்சர்யமா இருந்தது நந்திதாவின் அப்பாவா வருபவரோட நடிப்பு. அவருடைய தோற்றத்திற்கு பெரிய வில்லனா வருவதற்கு வாய்ப்பு இருக்கு. அப்படிபட்ட உருவத்த வெச்சுட்டு வெகுளி தனமா நடந்துக்கிற இடங்களில் எல்லாம் சபாஷ் பெறுகிறார்.

மறுக்கப்படற திறமைக்கு வலி அதிகம், நீங்க சாப்பிடற சாப்பாட்ட தான் நாங்களும் சாப்படறோம் ஏழையா இருந்தாலும் எங்களுக்கும் கோபம் வரும், அந்த பக்கம் வந்தா ‘வீட்டுக்கு வா’னு சொன்னா அவ வீட்டுக்கு போறதுக்காகவே அந்த பக்கம் போனேன், வள்ளிக்கு நீ மாரத்தான்ல ஒடுவியானு சந்தேகம் கீதாவுக்கு நீ வள்ளி கூட ஓடிடுவியோனு சந்தேகம்னு கலகல வசனங்களிலும் ஈர்க்கிறார் துறை செந்தில்குமார்.

இசை அனிருத் பாடல்கள் இந்த வருட டாப் 10க்கு தகுதி பெறுகிறது. பாடலுக்கான விஷுவல்சும் செம. படத்துல பின்னணி இசைக்காக மெனக்கெட்டு இருக்கிறார். கடைசி பத்து நிமிஷம் வெரி இம்ப்ரசிவ். ப்ளேஷ்பேக் முடிஞ்சு ‘எதிர் நீச்சலடி’னு தீம் வரும் போது ஆடியன்ஸ் பல்ஸ் எகிறுது.

வேல்ராஜின் ஒளிப்பதிவு ஜில் ஜில்.

ஏற்கனவே பார்த்து பழகிய பிளேஷ்பேக் தான், இந்த மாதிரி பிளேஷ்பேக்ல எப்படியும் இப்படி தான் நடக்கும், அதுதான் திரைக்கதையின் நியதிங்கிறது பரிட்சயமான விஷயம்தான். எப்படியும் ஹீரோதான் ஜெயிப்பார்னு தெரிந்தாலும் , அதையும் தாண்டி நம்மள கட்டிப்போடற மேஜிக் தான் படத்தின் பலம்.

எதிர் நீச்சல் – எ ரியல் சம்மர் ஸ்பெஷல்.